Vicinu a me’ cabina/c’è casinu ogni matina,
di carusi cann’amparari comu si va sutt’a lu mari.
Si pigghiunu tutt’i cosi/non c’è postu ca riposi,
e su vogghiu fari a ddoccia aia a fari u’ncoccia ‘ncoccia.
Sunu addritta ogni mumentu/i viri sempri ‘n movimentu,
eppoi annicchia ripusari quannu su’ intra lu mari.
L’istruttori è Turiddru/ca mi pari a mia ‘n ariddru,
e non sacciu com’ha fattu ca mi fici rari u sfrattu.
Parra sempri, è sempri in vena/non ci manca mai la lena,
ma chi mangia ogni matinu,moddri al peperoncinu?
Pigghia a Massimu e ci spiega/ca no tubbu c’è ‘na piega,
e a Giuseppi ci ribatte “Pigghia i pinni, no i ciabatte”,
“E tu Livio a vavvolina, ca tu ricu ogni matina”.
E tutta a fauna è sovrana/lassati i puppi ‘ntra la tana.
Semu a postu/tutti a puntinu,
ci voli a conferma do biolugu marinu,
“Pi scrutari la natura/mati a dari ammenu ‘n ura”.
No ppi nnenti l’istruttori/javi u nnomu “Savvatori”:
i carusi su protetti, iddru leva i sò difetti.
(Menu occa fubacchiuni/ca pigghia i puppi d’ammucciuni).
E quannu i viri priparari/fossi ca s’annu maritari,
poi “OK” co segnu di li jta,ci manca sulu o coddru a taddrarita.
Tuttu sommatu non ni lamintamu/annicchia di rendicuntu cill’avemu,
picchì u me canottu,puureddru,javi sempri bisognu di Turiddru.

“Don” Saro F.